Tak dátur niður

Umhvørvisstovan hevur nógvar ymsar kortdátur, ið tú kanst heinta niður á tína egnu teldu. Les brúkstreytirnar her.

Dáturnar eru bólkaðar í fimm høvuðsbólkar: Strikukort (vektorkort), myndakort (herundir fjar- og nærmyndir), topografisk kort,  hæddarmodell og skuggakort.

Strikukort kunnu heintast sum DWG ella sum FGDB

• DWG er eitt CAD format og er tí ætlað forritum sum AutoCad og Microstation
• FGDB er ein fílgeodatabasa, sum er eitt GIS format, ið ArcGIS brúkar. Hetta formatið kann opnast við m.a. ArcGIS og QGIS. QGIS er eitt ókeypis open source GIS forrit. Kort í FGDB formati innihalda ikki bara sjálva tekningina, men eisini fleiri ymsar upplýsingar um hvønn lut.

Myndakort eru sonevnd ortofoto og eru býtt í fjar- og nærmyndir.

Topografisk kort eru føroyakort í støddunum 1:1.000.000, 1:500.000, 1:100.000 og 1:20.000.

Fyrisitingarlig kort eru yvirlitskort í PDF sniði, ið vísa t.d. kommunumørk, markatalsbygdir, postnummur o.a., ið verður nýtt í fyrisitingarligum høpi.

DSM hæddarmodell eru hæddarmodell í trimum ymsum upploysnum.

Skuggakort eru sokallaði hillshade kort.

Allar dátur verða javnan dagførdar, og nýggjar dátur verða regluliga lagdar afturat (m.a. nýggj strikukort at taka niður).