Strikukort (vektorkort) kunnu heintast antin sum DWG ella sum FGDB
Strikukortini eru í FOTM krosskipanini, og tú kanst heinta tey beinleiðis frá einum av talvunum niðanfyri.
Um matrikulkort
Matrikulkortið inniheldur matriklar og upplýsingar um matriklar.
Matrikul er eitt livandi tema, og broytingar verða gjørdar dagliga.
Matrikulkortið er einans eitt yvirlitskort. Fyri at fáa neyvar upplýsningar um mark, er neyðugt at seta seg í samband við Matrikuldeildina á us@us.fo ella tlf. 342400
Dagføringartíttleiki:
Dagliga
Innihald:
Um adressur
Adressur innihalda upplýsingar um landsadressur. Adressur er eitt livandi tema, og broytingar verða gjørdar næstan dagliga.
Dagføringartíttleiki:
Dagliga
Innihald:
Um bygningar
Hetta temað er partur av lendiskortinum, tvs. bygningar fáast eisini við at heinta lendiskortið.
Bygningar verða dagførdir javnan, og flestu teirra eru uppmáldir ella teknaðir fotogrammetriskt útfrá flogmyndum. Flestu bygningarnir eru í 2.5D.
Dagføringartíttleiki:
Mánaðarliga
Innihald:
Um lendiskort
Lendiskortið er kent sum bakgrundskort frá kortalinum. Tað inniheldur bygningar, vegir, brúksøki, áir, vøtn og oyggjar. Broytingar verða javnan gjørdar - serliga í bygningum og vegum.
Dagføringartíttleiki:
Mánaðarliga
Innihald:
Um fyrisitingarlig kort
Fyrisitingarlig kort vísa t.d. strandalinju, kommunur, postøki, prestagjøld o.a. Hesi kort broytast ikki ofta, bara tá t.d. kommunur leggja saman og tílíkt.
Dagføringartíttleiki:
Sjáldan
Innihald:
Um 2m hæddarkurvar
Hæddarkurvarnar eru grundaðar á flogmyndir, sum vórðu tiknar í 2009. Góðskan á kurvunum er mett til at vera 0.7m, men í bygdum økjum kann góðskan vera verri - serliga í tætt bygdum økjum.
Fyri at minka um fílustøddina, eru fílurnar býttar í oyggjar.
GG: Av tí at tað ikki eydnaðist at fáa myndir av Fugloy, Svínoy og Viðoy í 2009, eru heldur ongar 2m kurvar fyri hesar oyggjar. Víst verður til hæddarmodel (DSM 2017) undir Onnur rastukort
Dagføringartíttleiki:
Sjáldan
Innihald:
Um staðarnøvn
Staðarnøvn innihalda upplýsingar um staðarnøvn í Føroyum.
Hetta er eitt tema, sum í løtuni ikki er livandi, men væntast kann, at tað gerst meira livandi næstu árini.
Dagføringartíttleiki:
Sjáldan
Innihald:
Gevið gætur!
Kortið er einans vegleiðandi. Umhvørvisstovan hevur onga ábyrgd av møguligum villum. Sí annars brúksrætt og treytir her.
Er talan um matrikulkort, ið skal nýtast til vinnuligt endamál, verður tú biðin um at venda tær til matrikuldeildina á Umhvørvisstovuni og biðja um møgulig málibløð.
