Kortalurin er nú dagførdur

Umhvørvisstovan hevur dagført Kortalin.

Nú ber til at síggja fleiri eldri myndakort á Kortalinum. Talan um myndakort frá árunum 1958, 2009, 2015 og øll árini frá 2017 til 2024. Harumframt ber eisini til at síggja landsumfatandi fylgissveinamyndir í høgari upploysn fyri tíðarskeiðið 2022-2024. Myndakortini finnast í Laglistanum.

Her sæst laglistin, har myndakort av Klaksvík frá 2015 er valt.

Laglistin er nú bólkaður í undirbólkar. T.d. eru løg sum fixpunkt, jarðhiti, el- og tele leiðingar kloakk, vatn og gøtuljós nú at finna undir bólkinum Tøkni.

Hendan útgávan byggir á nýggjari tøkni, samstundis sum trygdin eisini er hækkað. Funkurnar eru tær somu, hóast útsjóndin er broytt eitt sindur.
Ætlanin er framhaldandi at leggja nýggj løg og nýggjar møguleikar afturat – umframt at gera aðrar smærri tillagingar.